Diario de Abordo: Como todo boa viaxe ten un principio e un final, por iso traémosvos este último reto por chamalo así, xa que realmente o que queremos é pechar esta etapa de que vivimos xuntos e ofrecémosvos a posibilidade de facelo dunha maneira divertida e amena.
Para iso deixámosvos un vídeo para construír voso peque diario, onde queremos que plasmedes, as vosas vivencias durante este período de confinamento, por medio de debuxos, comentarios, mini fotos… Ou o que queirades compartir relacionado cos retos ou non, dámosvos plena liberdade.
Como material só ides necesitar 2 cartolinas, unha de cor máis escura e a outra clara, pegamento de barra, unhas tesoiras e a vosa destreza para dobrar e recortar.
Vídeo de Agradecemento: Hoxe chegamos ao final. Despois de máis de dous meses xuntos facendo retos, gozando coas respostas, compartindo o noso tempo, chegamos ao final. Por iso, como último reto pensamos que, a mellor maneira de acabar, sexa cun vídeo dando as grazas aos vosos compañeiros, os cales se esforzaron todas as semanas para cumprir os retos. Tamén darlle as grazas aos organizadores dos programas municipais de “Deporte non Centro”, “Lecer Educativo” e “ Luditarde” por pensar na idea e darnos a oportunidade de crear o blogue. E por último, darlle as grazas aos organizadores do blogue, os cales tentamos axudarvos a soportar estes tempos incertos dunha maneira divertida. Moitas grazas a todos.
No hay comentarios:
Publicar un comentario